بندر وخالد اصدقاء العمر...خساره الصداقه(16 سنه)...قصه مبكيه (لاتفوتكم)

من المعروف عند الجميع ان الصداقه من اقوى العلاقات الانسانيه,علاقه يميزها انها تجمع عدة مشاعر واحاسيس في اطارها مثل المحبه ،التضحيه وغيرها.
يمكن اغلبنا او اقدر اقول يمكن كلنا حصلت له مواقف مع اصدقاءه منها الحلو ومنها المر,منها اللي تقوي العلاقه ومنها اللي تنهيها.
قبل ما يتعرف بندر على خالد كان عايش في المدينه وكان عمره تقريبا 8 سنين(3 ابتدائي)
وفي عام 1408 انتقل بندر الى الرياض وكان شخص خجول جدا فكانت المدرسه الجديده له مسأه ولم يستطيع التأقلم إلا بصعوبه فبدأت الدراسه وكان في الصف الرابع الابتدائي فذهب الى مدرسته الجديده ودخل فصله الجديد وسوا الاستاذ تعارف بسيط بينه وبين الطلاب,لما جا وقت الراحه (الفسحه) طلع الجميع الا بندر ,دخل ولد اسمراني شعره حوسه واسنانه الاربع الاماميه اللي متكسر واللي طايح,مشمر اكمامه ووجهه كله جروح وحالته بابلا الا انه رغم كل هالبلاوي فيه شيء يخليها مو باينه!!..... ودحين حتكلم باللسان بندر
قعديحوس في شنطيتو وخرج كل اللي فيها واخيرا طلع الشي اللي يبغ (النبيله),وبعدين قعد يطلع فيا بنظرات غريبه وكان من النوع اللي لمن يطلاع فيك كانو بياكلك منزل راسو شويتيين...(نظرات غريبه)المهم قلي:انتا ليش قاعد لوحدك
وكانت هادي اول جمله اسمعها من الانسان اللي سار هوا اغلى البشر على قلبي(خالد),قلتلو:بس كدا وانا مااعرف احد في المدرسه قلي:تعال معايا وانا اعرفك على نص المدرسه اخد يدي وقال يلا تعال بس انا قلتلو انا مرتاح كدا خليني لوحدي بس هوا اخدني بالغصب وفعلا عرفني على نص المدرسع بس هو كان الافضل عندي وكان هوا من رغم انو يعرف اولاد كتير بس كمان انا كنت الافضل عندو....
مرت الايام وسنين وكبرنا مع بعض سرنا مانتفرق ولااحد يشوف التاني لوحدو...
يوم الاربعا جا خالد لاستراحه اللي كانو يقعدو فيها الشباب دخل وسلم على الجميع وكانت الفرحه باينه من عيونو وقالي تعال ابغاك في كلام... لمن سرنا لوحدنا قالي باركلي اليوم الوالده خطبتلي...لمن سمعت الخبر كانو في احد اداني كف على وجهي قلتاو بصوت عالي....ايييييييييييييش؟؟خالد:ايشبك منتا فرحان عشان..قلتلو: الا بس ما قد فتحتلي موضوع الزواج...قلي:الوالده من اول قالتلي بس ماحسيت الوضوع جدي....(وقتها خفت انو خالد بعد الزواج مايكون معايا زي اول وهادا شي طبيعي) المهم ونحنا راجعين لاستراحه قلي:افا يابندوره ما تعزمني بالمناسبه الحلوه دي ....(والله انو كان نفسي اعزمو بس ما كان ليا نفس)...قلتلو:انتا خلاص شفت البنت..قلي حشوفها يو الاتنين....قلتلو:بعد ما يتم كل شي اعزمك على المطعم اللي تحبو
رد بغمزه.. ماتقصر اصيل يابندر بس اهم شي لا تفشلنا مثل ذاك اليوم!! ...افشلك!!متى ياويلك من الله؟؟!..عطاني نظره اللي مو مصدق... معقوله نسيت ذاك اليوم يوم يمدح لنا خوينا سامي ذاك المطعم ,قلنا لازم نجربه ونشوف... لما تذكرت الموقف بديت اضحك... اوووووه الله يقلع شرك وايش ذكرك بهدا الموقف دحين..ابتسم خالد ويده على وجهه...تذكر؟؟ يومها طلبنا عصير وخبطت الصدر يعني انت اللي بتدفع ويوم جا الحساب جت معه المصيبه، والله لو انك شايف وجهك يابندر يوم شفت الفاتوره تقول صابين عليك مويه بارده...انحرجت...لا والله!!!على الاقل احسن من اللي قعد يتفلسف ويسوي روحه ابو العريف,لا وتاشر بيدك كننا في ملعب،وبديت اقلد صوته ونظرته المعروفه...لو سمحت الفاتوره مو نحنا طلبنا عصير بس!!,والله لوانك شايف وجهك انت يوم رد عليك..."نعم ياسيد هاذي فاتوره العصير بس"الحين من اللي طلع فشل الثاني؟!... ابتسمت... اذكر مابقى في جيوبنا شي ما طلعناه ويالله كفى ولقطنا وجيهنا وطلعنا وحنا نتصدد لا احد يشوفنا.. .وطوال ماكنت اعيد القصه وخالد ميت من الضحك، كان يسعدنا ان نحنا نعيد الذكريات اللي مثل هاذي المهم رجعنا عند الشباب.
لما رجعنا داخل كان مستانس,يلعب,يضحك وينكت صحيح هاذدي عادته لكن اليوم كان بزياده اما انا كنت عكسه تماما حسيت اني بأفقد هالأنسان... الشخص الوحيد اللي اعتبرته صديقي.
جا يوم التنين جاني خالد هوا متوتر قلتلو ايشفيك ساير شي قلي :لا بس متوتر ايش رايك تجي معايا..قلتلو :ايش اجي معاك منجدك انتا قلي بس تعال وفعد في السياره..قلتلو:يابن الحلال مو ساير شي انتا روح وتوكل على الله...ودق عليه بعد ما ينتهي المو ضوع..راح خالد والله يستر
بعد ما جا وانتها الموضوع خرجت معاه وعزمتو على عصير زي مما وعدتو المهم ونحنا في المطعم قلي:ترا ماقلتلها اني ادخن(وكان خالد يدخن بطريقه جدا سيئه وطول ديك السنين وانا احاول اقنعو انو يسيب الدخان بس ما في فايده)المهم...قلتلو:طيب لا تبدا حياتك بكدب لازم تقلها قلي:لا انا قررت اني اسيب الدخان وكنت فرحان من الرغم اني استغربت اول مره يشوفها وتاثر عليه بهادي الطريقه وانا طول عمري اقنعو انو يسيب الدخان بس ما اهتميت لان صحتو اهم شي
وكان يقلي:ادا سالوك عني قلهم ما ادخن....قلتلو:طبعا ماحقلهم....(وبعد فتره قصير خالد ساب الدخان بس كان يتعدب بشكل مو طبيعي)
يوم من الايام جا خالد الاستراحه وكان معصب بشكل غييييييييييييير طبيعي ودخل وجاني على طول بدون ما يسلم ولاشي قلتلو:خير ياخالد ايش فيك...لو تعرفو ايش سوااااااالي ضربني انا استغربت قلتلو ايشبك ياخالد لييش تضربني قلي:سوي نفسك منتا عارف ايش سويت خساره ال16 سنه اللي قضيتها معاك اصلا انا الغلطان اللي صاحبتك والله انك ما تستاهل الصحوبيه وما تستاهل احد يقعد معاك اصلا(اتفاجت بدا الكلام خالد صديق عمري يبيعني كدا بسرعه) خالد:حرام عليك شفتني وانا اتعبان وانا اتألم وانا اسيب الدخان هنت عليك انك تقول لنسايبي(اهل خطيبتو) اني ادخن
قلو:خالدوالله مو عارف تتكلم على ايش....اتنرفز خالد وضربني ضرب مو طبيعي سارو الشباب يفارعو بيننا وحسيت انو خالد قاعد يتألم منهم فسرت اقلهم ما لكوم صلاح سيبو خلي يسوي اللي يبغا يعدين طيحتو على الارض ومشيت وسسبتو...بس كنت فعلا نتفاجىء من اللي سوا لاني انا مقلت لهم ولا شي وما قلتلهم انو خالد يدخن اصلا ماسالوني من اصلو....بعد يومين جاني خالد البيت قلتلهم يصرفو اتصل على جوالي مارديت سار يستناني كل يوم تحت بيتنا بس انا مطنش لانو في البدايه انا رحتلو البيت معنو مو انا اللي غلطان حاولت اتصل عليه واكلمو بس ما كان يرد
دق عليه طلال اخو خالد:قلي ترى خالد ماكان عارف انو مو انتا اللي قلتلهم لانو نسايبو قالو انو انتا تدخن وخلاص فصخو الخطبه قلهم مين قلكم قالو بندر خالد استعجل وجاك انتا وضربك وووو..الخ بس هما قصدهم بندر ولد جيراننا
بعدين قال طلال حاول تسامحو..قلتلو معليش هوا باعني وباع ال16 سنه اللي كانت بيني وبينو
بعد فتره اقتنعت بكلام طلال ولمن رحتلهم كان خالد مو في قغدت عندهم واستنيتو شويه يتصل الاسعاف على جوال ابو خالد وابلغونا با نو سوا حادث ومات في داك الحادث شوفو الصدمه رحت معاهم على غسيل الموات وجثه خالد كانت هناك انهرت فتره ما شفتو شهور حزنت وندمت على ديك الايام قلت ياريتني ما وعلت يا ريتني دست على كرامتي شويهمني عارف كيف نسيت كل ديك المواقف الصراحه هوا سوا اللي عليه عشان يراضيني
راحت ال16 سنه وفي الاخير مات وانا ماشفتو مات وهوا زعلان


بس هادي قصتي اناعارفه انها مررررررررررررررره طويله انشاالله تعجبكم